AI-Assisted Coding: Thoughtworks’dan sun’iy intellekt vebinari

IT Park Uzbekistan a’zolari va talabalarga sun’iy intellekt texnologiyalari bo‘yicha noyob onlayn vebinar o'tkazilmoqda. Ushbu sessiya “AI-assisted coding: Trends shaping industries” mavzusida 15-aprel kuni soat 16:00 da bo'lib o'tadi va dasturchilar hamda texnologiya sohasidagi mutaxassislarga AI yordamida kodlash va uning kelajakdagi ta'siri haqida chuqur ma'lumot beradi.

Vebinar Thoughtworks kompaniyasi tomonidan tashkil etilmoqda. Thoughtworks 30 yildan ortiq tajribaga ega global texnologik konsalting kompaniyasi bo'lib, Agile, mikroxizmatlar va platforma yondashuvlari orqali zamonaviy dasturiy ta'minotni rivojlantirishda muhim rol o'ynagan.

Vebinar davomida ishtirokchilar AI yordamida kodlashning hozirgi holati, dasturchi jamoalari va tashkilotlarga ta'siri, mavjud AI vositalari va ularni qo'llash samaradorligi haqida amaliy ma'lumotlar olishadi.

— AI yordamida kodlashning evolyutsiyasi;

— dasturchilar va AI o'rtasidagi hamkorlik;

— so'nggi 12 oy ichida AI vositalari;

— kontekst muhandisligi va yangi ish jarayonlari.

Vebinarni Thoughtworks kompaniyasining mintaqaviy texnologiya rahbari Vanya Set olib boradi. Vanya 17 yildan ortiq tajribaga ega bo'lib, murakkab raqamli va ma'lumot transformatsiyalari, AI integratsiyasi, mikroxizmatlar va bulutga asoslangan yechimlarni amalga oshirishda katta jamoalarni boshqargan.

Ishtirok etish uchun arizalar 14-aprelgacha qabul qilinadi.

Siz vebinarga quyidagi havola orqali ro'yxatdan o'tishingiz mumkin: https://forms.gle/xgRkue6wMm5r7V5i9.